Skólastarfsmenn á ART námskeiði

Í október bauð Fræðsluskrifstofa Reykjanesbæjar upp á ART námskeið fyrir grunnskólana á þjónustusvæði  skrifstofunnar. Hverjum skóla bauðst að senda tvo starfsmenn á námskeið sem stóð í þrjá daga en ART þjálfarar komu frá Skólaskrifstofu Suðurlands.
ART stendur fyrir Agression Replacement Training og er raunprófuð aðferð við að kenna börnum, félagsfærni, sjálfsstjórn (reiðistjórnun) og siðferði. Ætlunin er að grunnskólarnir geti þjálfað nemendur sína í þessari færni líkt og þeir kenna t.d. íslensku og stærðfræði.

Þjálfunin tekur þrettán vikur þar sem farið er yfir alla þættina þrjá í viku hverri. Er það von Fræðsluskrifstofunnar að slík þjálfun barna í skólaaðstæðum er það sem gagnist þeim hvað best til að takast á við daglegar skólaaðstæður sem reynast sumum börnum mjög krefjandi.