Skoðuðu einu herþotuna sem herinn skildi eftir
- Samtök um söguferðaþjónustu fóru í leiðsagnarferð.
Þátttakendur á málþingi Samtaka um söguferðaþjónustu, sem haldið er í dag og á morgun, fóru meðal annars í skoðunarferð um Patterson hluta Keflavíkurflugvallar. Hjálmar Árnason, leiðsögumaður, fræddi hópinn um byggingar og svæðu á vellinum; hlutverk þeirra fyrr og nú.
Sprengjuheld þotuskýli, með eins og hálfs meters þykka veggi, vöktu mikla athygli og fékk hópurinn að stíga þar út rútunni og fara inn í eitt skýlið. Þar inni var eina þotan sem ameríski herinn skildi eftir, F4 Phantom, og er hún höfð þar sem sýningargripur. Víkurfréttir voru á staðnum og smellt af myndum.
Fulltrúi Víkingaheima var með í för og stillti sér upp við þotuna á viðeigandi hátt.
Þotan var skoðuð í bak og fyrir og margar myndir teknar.
VF/Olga Björt
