Skessan skreppur í berjamó
-Býður upp á lummur með berjasultu á Ljósanótt
Skessan í hellinum hefur ákveðið að bregða undir sig betri fætinum og smella sér í berjamó um helgina. Hún hefur því beðið okkur um að tilkynna að enginn verði heima og hellirinn læstur laugardag og sunnudag. Hún býður svo gestum og gangandi í lummur á Ljósanótt eins og vant er og hver veit nema hún bjóði upp á berjasultu ef berjatínslan gengur vel.
