Skerpukjöt og fallhlífarstökk ekki á óskalistanum
Anton Guðmundsson færi með gesti í Tyrkjabyrgin í Sundvörðuhrauni og Bláa lónið. Hann segir líka að það hefði verið gaman að taka kaffi með Halldóri Laxness og fara aðeins yfir stöðuna.
– Nafn:
Anton Guðmundsson.
– Fæðingardagur:
12. janúar 1993.
– Fæðingarstaður:
Keflavík.
– Fjölskylda:
Giftur Rebekku Ósk og eigum við saman tvíburadætur sem eru fjögurra ára.
– Hvað ætlaðir þú að verða þegar þú yrðir stór?
Matreiðslumaður.
– Aðaláhugamál:
Það eru tónlist, skot- og stangaveiði og fjallgöngur. Matreiðslan kemur alltaf sterk inn líka.
– Uppáhaldsvefsíða:
Blika.is
– Uppáhalds-app í símanum:
Spotify.
– Uppáhaldshlaðvarp:
Máltíð.
– Uppáhaldsmatur:
Lambakótilettur í raspi með öllu tilheyrandi!
– Versti matur:
Ætli það sé ekki skerpukjöt.
– Hvað er best á grillið?
Surf and Turf, nautalundir og humar. Steinliggur!
– Uppáhaldsdrykkur:
Morgunkaffið.
– Hvað óttastu?
Fallhlífarstökk er eitthvað sem heillar mig ekki.
– Mottó í lífinu:
Komdu fram við aðra eins og þú villt að aðrir komi fram við þig.
– Hvaða mann eða konu úr mannkynssögunni myndir þú vilja hitta:
Það hefði verið gaman að taka kaffi með Halldóri Laxness og fara aðeins yfir stöðuna.
– Hvaða bók lastu síðast?
Skáldið sem sólin kyssti. Ævisögu Guðmundar Böðvarssonar, skálds, sem var langafi minn. Silja Aðalsteinsdóttir skrifaði bókina.
– Ertu að fylgjast með einhverjum þáttum í sjónvarpinu?
Nei, ekki þessa stundina.
– Uppáhaldssjónvarpsefni:
Kokkaflakk eru flottir þættir.
– Fylgistu með fréttum?
Já, aðalega á netinu og í útvarpi.
– Hvað sástu síðast í bíó?
Það var einhver barnamynd í sunnudagsbíó. Hún var frá Disney að mig minnir.
– Uppáhaldsíþróttamaður:
Á engan svoleiðis.
– Uppáhaldsíþróttafélag:
Grindavík!
– Ertu hjátrúarfullur?
Nei, samt smá.
– Hvaða tónlist kemur þér í gott skap?
Gott lag með Bubba Morthens gerir allt betra.
– Hvað tónlist fær þig til að skipta um útvarpsstöð?
Svona hipp popp rapp.
– Hvað hefur þú að atvinnu?
Starfa sem matreiðslumeistari á Réttinum í Keflavík.
– Hefur þú þurft að gera breytingar á starfi þínu vegna COVID-19?
Nei, ekki nema við höfum breytt og aðlagað verklag okkar að aðstæðum hverju sinni.
– Hvernig hefur þú verið að upplifa árið 2020 hingað til?
Þetta eru fordæmalausir tímar en ég er bjartsýnn.
– Er bjartsýni fyrir sumrinu?
Já, það leggst gríðalega vel í mig.
– Hvað á að gera í sumar?
Ferðast innanlands og njóta þess sem fallega landið okkar hefur upp á að bjóða.
– Hvert ferðu í sumarfrí?
Upp til sveita, inn til dala.
– Ef þú fengir gesti utan af landi sem hafa aldrei skoðað sig um á Suðurnesjum. Hvert myndir þú fara með þá fyrst og hvað myndir þú helst vilja sýna þeim?
Tyrkjabyrgin í Sundvörðuhrauni og Bláa lónið.
