Skemmtilegur söngleikur fyrir börn á grunnskólaaldri - Sýning í dag kl. 15

Þriðja sýning Kraftaverks á Bethlehemstræti verður í dag, laugardaginn 5. desember kl. 15 í Kirkjulundi í Keflavíkurkirkju. Verkið er söngleikur fyrir börn á grunnskólaaldri og segir frá því þegar gistihúsaeigandinn Benjamín fær fregnir af því að frelsarinn sé að koma til hans og verður hann mjög svo upptekinn af því að græða fúlgu fjár.

Mjög fjörug og grípandi tónlist er í verkinu og þýðingin er í senn aðgengileg og hnyttin. Alls koma 25 börn að sýningunni.

Næstu sýningar:

5. des. kl. 15 Sýning
6. des. kl.15 Sýning
12. des. kl. 15 Sýning
13. des. kl. 15 Sýning

Miðaverð er kr. 800 og sjoppa á staðnum.

Leikstjóri verður Guðjón Davíð Karlsson (Gói), leikari.
Tónlistarstjóri verður Arnór Vilbergsson, Kantor.
Framkvæmdarstjóri er sr. Erla Guðmundsdótttir.

Sýningar verða í safnaðarheimili Keflavíkurkirkju, Kirkjulundi.

Myndin er frá frumsýningunni í gær. Ljósmynd: Páll Orri Pálsson