Skemmtilegt jólaskákmót

Samsuð og Krakkaskák.is héldu árlegt jólaskákmót í gær. Að þessu sinni var það haldið í Grunnskóla Grindavíkur og var fyrir öll börn á Suðurnesjasvæðinu. Þátttaka var góð en keppt var með skákklukkum með 10 mínútna umhugsunartíma.

Keppt var í tveimur aldursflokkum, annars vegar 7-10 ára og hins vegar 11-16 ára. Hart var barist við skákborðin og sáust mörg glæsileg tilþrif. Megintilgangur með mótinu var að fá krakkana til að vera með en úrslitin urðu þessi:

Yngri flokkur, drengir: 

1) Kamil Malinowski, Grunnskóli Grindavíkur.
2) Þórarinn Gunnlaugsson, Grunnskóli Grindavíkur.
3) Jón Fannar Sigurðsson, Grunnskóli Grindavíkur.

Yngri flokkur, stúlkur:

1) Hekla Eik Nökkvadóttir, Grunnskóli Grindavíkur.
2) Birta María Pétursdóttir, Grunnskóli Grindavíkur.

Eldri strákar:

1. Gísli Freyr Pálmarsson, Myllubakkaskóli.
2. Ólafur Freyr Sigurbjargarson, Grunnskóli Grindavíkur.
3. Magnús Snær Dagbjartsson, Sæmundarskóli.

Nettó gaf 15 glæsilega happadrættisvinninga sem dregnir voru út í lokin.