SKEMMTIFERÐASKIP Í KEFLAVÍK

Skemmtiferðaskipið Exsplorer kom til Keflavík í síðustu viku. Það er ferðaþjónustan Nonni sem stendur fyrir komu skipsins til Íslands. Í því eru sjötíu bandarískir ferðamenn og var skipið að koma frá Grænlandi. Það stoppaði í nokkrum höfnum hér á landi og þegar það hafði viðdvöl hér fór hópurinn ferðamannarúnt um Suðurnes. Ljósmyndari Víkurfrétta smellti þessari mynd þegar lóðsbáturinn í Keflavík dró skipið út úr Keflavíkurhöfn en ferð þess var heitið til Færeyja.