Sjónvarp Víkurfrétta í sjónvarpi Instagram

Sjónvarp Víkurfrétta mun taka þátt í IGTV eða sjónvarpi Insta­gram. Innslög úr Suðurnesja­magasíni okkar verða birt samhliða á vef Víkurfrétta, vf.is, á fésbók Víkurfrétta, Youtube-rás Víkur­frétta og á Instagram.
Instagram hefur nýlega leyft allt að tíu mínútna löng myndskeið í nýjum sjónvarpsspilara á svæði sem kallast IGTV. Flest innslög okkar úr Suðurnesjamagasíni rúmast innan þess ramma.
 
Sjónvarp Instagram gerir ráð fyrir „standandi“ myndskeiðum á meðan hefðbundið sjónvarp gerir ráð fyrir „liggjandi“ myndefni. Formið á okkar útgáfu af IGTV verður að fá að þróast, þ.e. hvort myndað verður sérstaklega fyrir IGTV þar sem snúa þarf myndavélum á hlið.