Sjókajaknámskeið hjá Miðstöð símenntunar

Starf Miðstöðvar símenntunar á Suðurnesjum er komið á fullt skrið. Meðal námskeiða sem boðið verður upp á er sjókajak námskeið laugardaginn 2. apríl. Námskeiðið miðar að því að þátttakendur fái góða þekkingu á sjókajak ferðabúnaði og geti undirbúið og framkvæmt öruggar ferðir á eigin vegum. Farið verður yfir undirstöðuatriði við róðrartækni og að geta bjargað sjálfum sér og ferðafélögum erið einfaldar aðstæður. Megin markmið námskeiðsins eru þrjú:

-Að þátttakandinn fái góða þekkingu á sjókajakferðabúnaði.
-Að þátttakandinn læri að undirbúa og framkvæma öruggar ferðir á eigin vegum.
-Að þátttakandinn læri undirstöðu-róðrartækni, og geti bjargað sjálfum sér og ferðafélögum sínum við einfaldar aðstæður.

Leiðbeinandi á námskeiðinu er Sigurjón Þórðarson. Hann er reyndur leiðbeinandi og fararstjóri frá Ultima Thule. Nánari upplýsingar eru hjá Miðstöð símenntunar í síma 421 7500 eða www.mss.is
Mynd úr safni