Sigvaldi Kaldalóns í Hljómahöll

Fjallað verður um tónlist og ævi Sigvalda Kaldalóns í Hljómahöll fimmtudaginn 3. mars en tónleikarnir eru liður í tónleikaröðinni Söngvaskáld á Suðurnesjum.
 

Lög verður áhersla á árin hans í Grindavík þar sem hann starfaði sem héraðslæknir í 16 ár en sagt hefur verið að koma hans hafi valdið menningarbyltingu í litlu kauptúni á Suðurnesjum.

Eftir Kaldalóns liggur fjöldi sönglaga og má þar nefna Hamraborgin, Þú eina hjartans yndið mitt, Á sprengisandi, Nóttin var sú ágæt ein, Ég lít í anda liðna tíð og síðast en ekki síst lagið Suðurnesjamenn.

Flytjendur eru Elmar Þór Hauksson og Arnór B. Vilbergsson en kynnir er Dagný Gísladóttir.
Miðaverð er kr. 3.200 og fer miðasala fram í Hljómahöll og á hljomaholl.is.

Skipuleggjendur litu við á veitingastaðinn Bryggjuna í Grindavík á dögunum og tóku nokkur lög af dagskrá tónleikanna.