Sigurmynd vikunnar í Instagramleik

Instagram leikur Víkurfrétta heldur áfram og síðustu tvær vikur hafa borist margar myndir sem sýna Suðurnesjamenn njóta sumarsins á svæðinu. Margar myndir bárust af sólsetri og fallegum himni og má sjá margar verulega flottar myndir í þeim anda ef leitað er eftir #vikurfrettir á Instagram. Hoppumyndir eru alltaf vinsælar og barst okkur ein virkilega skemmtileg frá hoppara sem gekk upp á Keili. Sigurmyndin er hins vegar frá Snædísi Önnu sem skellti sér í sjósund á Stafnesi, rétt fyrir utan Sandgerði í kvöldsólinni eitt sumarkvöldið.