Sigurmynd Instagram leiks vikunnar

Það er nokkuð ljóst að sumarið er búið. Miðað við Instagram myndirnar sem merktar voru #vikurfrettir síðustu tvær vikur hefur verið ansi grámyglulegt á Suðurnesjunum. Það kemur þó ekki að sök og voru margar þrælflottar myndir teknar í rigningunni.

Emelía Grétarsdóttir er með sigurmyndina að þessu sinni þar sem hún tók flotta mynd af Keflavíkurhöfn með drungalegu yfirbragði. Í öðru sæti er mynd af þremur hlaupurum sem hlupu í Reykjavíkurmaraþoninu um síðustu helgi en þær voru allar í Hlaupahópi Röggu Ragg sem Víkurfréttir hafa fjallað um, en margir hlauparar af Suðurnesjunum hlupu til styrktar Ljóssins.

Myndin í þriðja sæti er af Hafnargötunni að kvöldi til en þar var afar einmanalegt um að litast.