Sigtryggur Bjarni opnar einkasýningu í Listasafni Reykjanesbæjar
Listamaðurinn Sigtryggur Bjarni mun opna einkasýningu í Listasafni Reykjanesbæjar föstudaginn 20. október næstkomandi. Sýningin ber heitið Sog og er viðfangsefni listamannsins straumvatn þar sem hann sýnir ný málverk unnin með olíu á striga og rýmisverk.
Sigtryggur Bjarni er fæddur árið 1966 og hefur haldið og tekið þátt í fjölda sýninga undanfarin ár, síðasta einkasýning hans var í Gallery Turpentine árið 2005.
Sýningin verður opnuð kl. 18 á föstudag en verður síðan opin frá kl. 13-17:30 alla daga fram til 3. desember.
