Sif keppir í Miss Skandinavia

Sif Aradóttir, Fegurðardrottning Íslands er á leið í keppnina Miss  Skandinavia & Baltic Sea, en nýverið voru þessar tvær keppnir sameinaðar, og eru nú með þátttakendur frá bæði Norðurlöndum og Eystrasaltslöndunum.

Það er því við hæfi að keppnin er haldin á siglingu milli Helsinki og Tallin á nýju skemmtiferðaskipi TALLINK GALAXY sem sjósett var í maí s.l.   Sif heldur utan á mánudagsmorgun, en keppnin verður 21.09. um borð í þessu glæsilega skipi.

Elínu Gestsdóttur, framkvæmdastjóra Fegurðarsamkeppni Íslands hefur verið boðið að sitja í dómnefnd keppninnar.