Síðbúin þrettándagleði í Vogum á morgun

Haldin verður síðbúin þrettándagleði í Vogum á morgun. Dagskráin hefst með útnefningu á íþróttamanni Voga 2014 í Álfagerði. Athöfnin þar hefst kl. 15:30 og eru allir velkomnir.

Andlitsmálun fyrir alla krakka verður í boði í félagsmiðstöðinni kl. 16 og klukkustund síðar hefst kyndlaganga með kóngi og drottningu í broddi fylkingar frá félagmiðstöðinni. Gengið verður niður Hafnargötu, inn á göngustíg í átt að skólanum og endað hjá brennunni við skólann. Brennan er í boði og umsjón Lions.

Flugeldasýning á vegum björgunarsveitarinnar Skyggnis verður við brennuna. Eftir brennuna verður farið í Tjarnarsalinn, þar sem verður smá gleði, sungið og dansað. Allir 12 ára og yngri fá glaðning. Veitt verða verðlaun fyrir nokkra skemmtilega búninga.