Saga Kakala og Ölli á Ljósanótt

Saga Kakala sýndi silkislæður og kasmírtrefla á Icelandair hotel í Keflavík á Ljósanótt.  Línan sem ber heitir Kachina er eftir hönnuðinn Helgu Björnsson en Helga starfaði í tískuhúsi Louis Féraud í París til margra ára.
Í tilefni af Ljósanótt  lagði Saga Kakala 20% af allri sölu í Minningar- og styrktarsjóð Ölla en  sjóðurinn hefur það að markmiði að styrkja börn til íþróttaiðkunar sem ekki eiga kost á því vegna bágrar fjárhagsstöðu foreldra eða umsjónarmanna.

„Það var gríðarlega gaman að taka á móti fólki á Ljósanótt eins og alltaf og söfnunin í sjóð Ölla gekk vonum framar.  Við erum kátar og þakklátar fyrir móttökurnar,“ sagði Ingibjörg Gréta frá Saga Kakala.

G.Helga listakona keypti slæðu til að styrkja sjóðinn og gera sér dagamun.