Rómantík og vitar á Reykjanesi

Það eru ekki eingöngu ferðamenn sem sækja Garðskagann heim, listamenn eru þar oft á reiki og ástfangin pör njóta ósjaldan sólarlagsins við vitana tvo.

Gamli vitinn sem stendur yst á tánni var reistur árið 1897 og stóð fyrir sínu til ársins 1944 þegar nýi vitinn var byggður. Gamli vitinn var notaður sem flugathugunarstöð á vegum Náttúrufræðarstofnunnar Íslands á árunum1962-78. Í dag er enginn starfsemi í gamla vitanum sem er oft opinn fyrir almenning eftir hádegi á sunnudögum og fólki velkomið að kíkja upp. Fjaran við vitann er mjög falleg þakin hvítum skeljasandi og tilvalin fyrir gönguferðir og leik.

Fyrsti vitinn sem byggður var á Íslandi var reistur á Valahnúk yst á Reykjanesi 1878 en stóð aðeins í nokkur ár sökum jarðskjálfta sem eyðilagði undirstöðubergið. Rústum vitans hefur nú verið bjargað frá hruni í sjó og þær færðar niður af Valahnúk. Nýi vitinn var byggður 1908 og stendur á bæjarfelli skammt frá Valahnúk. Þetta er tilvalinn útivistarstaður, rólegur og fallegur og ef gengið er upp á hnúkinn fæst stórkostlegt útsýni yfir Reykjanes. Í sjónmáli er Eldey sem skartar sínu fegursta en þar má finna stærstu súlubyggð Evrópu.