Rockville um helgina

Rockville er árleg tónlistarhátíð sem var haldin í fyrsta skiptið árið 2005 á Paddy's í Reykjanesbæ. Að þessu sinni mun hátíðin færa sig úr skugga Ljósanætur og er haldin núna um helgina 10. - 12. nóvember. Nafnið á hátíðinni er fengið að láni frá grjótaþorpinu, „Rockville" sem stóð á Miðnesheiði en þá vildu skipuleggjendur hátíðarinnar að hætt yrði við að rífa þær byggingar sem þar stóðu og þær yrðu nýttar t.d. undir tónlistarþróunarmiðstöð. Þorpið fauk og á heiðinni eru eftir sorglegar götur þorpsins og grunnar húsanna sem þar stóðu. Árið 2005 og árið eftir var hún haldin um Ljósanæturhelgina, fyrstu helgina í september.

Eins og undanfarin ár er nú stefnt að því að halda hátíðina á Paddy´s í Keflavík. Hátíðin hefur verið haldin við góðan orðstír og er þess vert að geta að Paddy's hlaut menningarverðlaun Reykjanesbæjar, fyrirækjasúluna árið 2010 fyrir eflingu tónlistarlífs í Reykjanesbæ með því að skapa ungu tónlistarfólki tækifæri til flutnings tónlistar. Frá stofnun Paddy's hefur verið lagt áherslu á lifandi tónlist og hefur Paddy's ásamt ýmsum ráðgjöfum skipulagt tónleika og aðra menningarviðburði. Þetta hefur verið unnið af hugsjón, áhuga og ástríðu til listarinnar og oftast í sjálfboðavinnu.
Hátíðin í fyrra gekk vonum framar en ásamt ríflega 30 listamönnum, sóttu hátíðina heim hundruðir gesta og gerðu gott mót.

Hátíðin hefur verið með puttann á púlsinum í íslensku tónlistarlífi og er þar engin undatekning á í ár. Þau bönd og listamenn sem eru að gera sig líkleg eru:

ODDUR INGI

TRAUSTI LAUFDAL

LOCKERBIE

ÆLA

ÚTIDÚR

GRUNNBANDIÐ

BLACK EARTH

GRAMMIÐ

BAKU BAKU

HELLVAR

BÁRUJÁRN

REYKJAVÍK!

MIXED EMOTIONS DJ SET

KALLAKÓRINN BARTÓNAR

REASON TO BELIEVE