Reyklaus dagur í Grindavík

Í dag hefst Forvarnarvika í Grindavík, þar sem bæjarbúar eru hvattir til að bæta líkamlegt ástand, hollustu og mataræði. Heiti vikunnar er „Hver er sinnar gæfu smiður" og meðal gesta á vikunni eru Þorgrímur Þráinsson og Magnús Scheving. Þeir spjalla báðir við nema Grunnskóla Grindavíkur á morgun, í tilefni af því að Þorgrímur Þráinsson spjallar við krakkana um skaðsemi reykinga var ákveðið að dagurinn á morgun yrði reyklaus dagur í Grindavík. Dagskrá Forvarnavikunnar er hægt að nálgast á grindavik.is.