Reykjanesið er vanmetinn sunnudagsrúntur
Segir vinsæll ferðabloggari sem heimsótti svæðið
Bloggarinn Ása Steinars fór í ferðalag um Reykjanesið á dögunum en hún segir svæðið vera kjörið sem sunnudagsrúnt úr borginni. Hún segir einnig að Reykjanesið sé afar vanmetið landsvæði þar sem ýmislegt megi finna sér til dundurs.
„Svæðið er mjög aðgengilegt og kjörinn staður fyrir smá sunnudagsbíltúr. Hægt er að finna allt frá léttum fjallgöngum til fjöruferðar eða bara hugguleg kaffihús,“ segir hún m.a. en færslu hennar má finna á króm.is.
Bloggarinn Ása starfar fyrir Guide To Iceland sem er í fremstu röð í ferðamennsku á Íslandi. Ása er mikill heimshornaflakkari og bloggar um reynslu sína og tekur fallegar ljósmyndir.
