Reykjanesbær mætir Árborg í Útsvari
Reykjanesbær mun mæta liði Árborgar í 16 liða úrslitum spurningaþáttarins Útsvars n.k. föstudag. Í síðustu umferð unnu þau Baldur, Grétar og Guðrún frækilegan sigur á sterku liði Seltjarnarness. Lið Árborgar kemur inn í 16 liða úrslitin sem eitt af 4 stigahæstu tapliðum úr síðustu umferð. Ekki munaði þó nema 7 stigum á liðunum og því ljóst að keppnin á föstudag getur orðið æsispennandi.
