Reykjanesbær mætir Akranesi í Útsvari

Á föstudagskvöld munu Útsvarskempur Reykjanesbæjar, þau Baldur Guðmundsson, Hulda Geirsdóttir og Erik Olaf Eriksson, etja kappi við hið harðsnúna lið Skagamanna í sjónvarpssal Ríkissjónvarpsins. Ljóst er að baráttan verður geysihörð en ekki síður skemmtileg þar sem bæði lið eru þekkt fyrir líflega framkomu.

Bein útsendingin hefst kl. 20.00 í Ríkissjónvarpinu. Stuðningsmenn eru velkomnir í sjónvarpssal til að hvetja liðið áfram. Þá þarf að mæta að Efstaleiti 1, í höfuðstöðvar RUV, ekki síðar en 30 mínútum fyrir útsendingu. Þess skal þó getið að sætaframboð er takmarkað.