Reykjanesbær iðaði af lífi

Það var margt um manninn í miðbæ Reykjanesbæjar í gær en þá opnuðu ýmsir menningarviðburðir á Ljósanótt. Eins voru verslanir opnar lengur og buðu upp á hressandi veitingar í bland við góð tilboð. Veðurguðirnir voru íbúum Reykjanesbæjar hliðhollir og skörtuðu sínu fegursta, fyrir vikið hafa líklega sjaldan fleiri lagt leið sína í bæinn á fimmtudagskvöldi Ljósanætur. Útsendarar Víkurfrétta voru á vappinu og mynduðu mannlífið eins og sjá má hér að neðan. Einnig minnum við á Ljósamyndavef okkar og Ljósanætur-leikinn okkar þar sem notast skal við hashtaggið #ljosanott2014.

Júlíus Guðmundsson hélt tónleika í stofunni á æskuheimili sínu við Skólaveg. Þar var þétt setinn bekkurinn.

Ragnheiður Elín ráðherra kíkti á myndlistarsýningu í Kjarnanum.

Boðið var upp á nudd fyrir gangandi vegfarendur.

Guðbjörg Ylfa var ein af þeim sem sýndi verk sín á ljósmyndasýningu Ljósops.

Það er langt síðan Hafnargatan hefur verið eins lífleg og í gær.

Fatahönnuðir eru á hverju strái í Reykjanesbæ.

Nýr lögreglustjóri, Ólafur Helgi Kjartansson, ásamt fríðu föryneyti.

Lína Rut var enn við vinnu seint um kvöldið þegar ljósmyndari leit við.

Guðmundur Garðarsson er með sýningu í Gömlu búð.

Ljósmyndir: Eyþór Sæmundsson