Rappstjörnur með tónleika í Stapanum
Von er á upprennandi rappstjörnunni Hopsin hingað til lands og mun hann m.a. halda tónleika í Stapanum fyrir ungmenni á Suðurnesjunum. Rapparinn er um þessar mundir gríðarlega vinsæll og þá sérstaklega á myndbandsvefnum Youtube þar sem myndbönd hans fá jafnan í kringum 20 milljónir áhorfa.
Hopsin kemur til landsins ásamt félaga sínum Dizzy Wright og munu þeir spila í
Stapanum miðvikudaginn 7. nóvember. Óli Geir Jónsson hefur veg og vanda að komu rapparanna sem munu einnig troða upp á Hip-Hop hátíð í Reykajvík. Óli segir komu rapparans vera stórviðburð á Suðurnesjum. „Ég myndi telja að þetta séu einhverjir þeir stærstu unglingatónleikar sem haldnir hafi verið fyrir Suðurnesjamenn. Þessir gæjar eru á barmi þess að springa út, þeir eru að hefja Evróputúr sem hefst hér á Íslandi,“ segir Óli Geir.
Hér má sjá nánari upplýsingar um tónleikana.
Hér má sjá eitt að vinsælli lögum Hopsin, Sag My Pants.
Hér er svo annað lag, Ill mind of Hopsin.
