Prokk í 88-húsinu í kvöld

Prokk-Tónleikar verða haldnir í 88-húsinu í kvöld. Þar munu koma fram hljómsveitirnar Exem, Ritz og Remo.

Húsið opnar kl. 20 í kvöld og hefja tónlistarmenn upp raust sína skömmu síðar. Enginn aðgangseyrir er að tónleikunum í kvöld.

Vetrarstarfið í 88 húsinu er komið á fullt skrið og má þar nefna kvennakvöld sem var í gær, en þar var t.d. snyrtivörukynning frá Avon og fleira skemmtilegt.

Enn fleiri atburðir eru á dagskrá á næstunni og geta áhugasamir leitað upplýsinga á heimasíðu 88-hússins, www.88.is

VF-mynd/Atli Már: frá Prokktónleikunum sem haldnir voru í júní sl.