Páskabingó Uglu og Samfylkingarinnar vel sótt

Ugla – Ungir jafnaðarmenn á Suðurnesjum héldu páskabingó á þriðjudagskvöldið á kosningamiðstöð Samfylkingarinnar við Bolafót í Reykjanesbæ.  Um 70 manns á öllum aldri voru mættir þarna til að skemmta sér og freista gæfunnar.  Tuttugu vinningar voru í boði, allt frá páskaeggjum og uppí lúxushótelgistingu í höfuðborginni.

Gaman var að sjá jafnt unga sem aldna skemmta sér konunglega í eina kvöldstund saman í sönnum anda jafnaðarstefnunnar.

Stjórn Uglu – ungra jafnaðarmanna á Suðurnesjum