Páll Óskar færði Rokksafni Íslands veglegar gjafir
Formleg opnunarhátíð verður á laugardag.
„Páll Óskar var svo indæll að afhenda Rokksafni Íslands í gærkvöldi alla búninga og galla sem hafa verið sérsaumaðir á hann frá því að hann byrjaði að koma fram ásamt öllum gull- og platínuplötunum sínum! Við þökkum Páli Óskari kærlega fyrir framlagið sitt í Rokksafnið og lýsum hér með yfir að við höldum sérsýningu um Pál mjög bráðlega,“ segir á Facebook síðu Rokksafns Íslands rétt í þessu.
Formleg opnunarhátíð Hljómahallar og Rokksafns Íslands verður á laugardag. Veglegar gjafir Páls Óskars eru aðeins örsmár hluti af öllu því sem þar verður hægt að berja augum. Meðal þess verður þessi risagítar sem Brynjar í hljómsveitinni Of Monsters and Men fékk að prófa í fyrradag.
