Opinn fyrirlestur í Svarta-pakkhúsinu

Þuríður Sigurðardóttir myndlistarmaður og annar tveggja sýningarstjóra sýningarinnar „Tívolí Hveragerði“ verður með opinn fyrirlestur í Svarta-Pakkhúsi miðvikudagskvöldið 21. sept. kl.20.00.

Sýningin sem er samsýning yfir tuttugu samtímalistamanna er yfirstandandi í Listasafni Árnesinga og hefur fengið afar góðar undirtektir gesta og lof gagnrýnenda.

Á fyrirlestrinum gefst einstakt tækifæri til að fá innsýn í hvernig sýning sem þessi verður til, hverjar áherslurnar eru sem lagðar eru til grundvallar og hvernig einvala lið listamanna frá aldrinum 20 – 86 ára vinnur úr þeim.

Þuríður hefur kennt á vinsælum námskeiðum við Myndlistaskóla Reykjaness undanfarna vetur. Allir eru velkomnir og enginn aðgangseyrir. Tilvalið tækifæri til þess að fræðast um nútímalist.

Skólastjórn Myndlistaskóla Reykjaness