Opið hús í Púlsinum
Púlsinn ævintýrahús í Sandgerði verður 1.árs sunnudaginn 1. febrúar. Í tilefni þess verður Opið hús fyrir gesti frá klukkan 13-16 þennan dag, þar sem fólk getur kynnt sér starfsemi hússins og m.a. skráð sig á námskeið sem hefjast í febrúar.
Á aðeins einu ári hefur Púlsinn markað sér spor hjá mörgum íbúum Suðurnesja. Jógatímarnir eru afar vinsælir, jógatímum hefur verið fjölgað og starfa nú tveir jógakennarar í Púlsinum. Fullbókað er í byrjendajóga og aðeins örfá pláss laus í kripalu- og kraftjóga.
Vinsælu barna- og unglingaleiklistarnámskeiðin hefjast í næstu viku og nefnast þau núna leiksmiðjur því unnið verður bæði með leiklist og hljóðnemasöng. Yngstu börnin í 1.-3. bekk njóta þess einnig að hverfa inn í ævintýraheim söngs, sagna og spuna.
Dansnámskeið ýmiskonar eru einnig að hefjast. Vegna mikilla vinsælda hefur tímum í afródansi verið fjölgað. Einnig er hægt að koma í byrjendatíma í línudansi en ef fólk kann einhver spor í línudansi þá er tilvalið að skella sér í framhaldshópinn.
Orkudans er alveg nýtt form á danstímum sem gefur skemmtilega útrás en þar er einnig leitast við að næra anda og sál. Fólk hefur verið mjög hrifið af áhrifum orkudansins.
Söngsmiðja fer nú í fyrsta sinn af stað fyrir þá sem vilja m.a. þjálfast í dægurlagaflutningi og hljóðnemasöng. Þetta er t.d. frábær undirbúningur fyrir þá sem vilja skella sér í Idol keppnina í sumar eða bara syngja sér til ánægju.
Námskeið í vinnukonugripi hefur verið mjög vinsælt og færri komust að en vildu fyrir jól. Skráning gengur einnig vel núna og er nýtt námskeið óðum að fyllast. Nú verður einnig hægt að læra að spila skemmtilega trumbutakta á afrótrommur.
Hægt er að lesa nánar um öll námskeiðin á heimasíðunni www.pulsinn.is og skrá sig þar eða í síma 848-5366.
Fyrsta fræðslukvöld Púlsins verður einnig að kvöldi 1.febrúar klukkan 20.00 en þá kemur Gaui litli í heimsókn, hann fjallar um megrun og kennir leiðir til léttara lífs. Allir eru hjartanlega velkomnir og er aðgangseyrir 1.000 krónur.
Á aðeins einu ári hefur Púlsinn markað sér spor hjá mörgum íbúum Suðurnesja. Jógatímarnir eru afar vinsælir, jógatímum hefur verið fjölgað og starfa nú tveir jógakennarar í Púlsinum. Fullbókað er í byrjendajóga og aðeins örfá pláss laus í kripalu- og kraftjóga.
Vinsælu barna- og unglingaleiklistarnámskeiðin hefjast í næstu viku og nefnast þau núna leiksmiðjur því unnið verður bæði með leiklist og hljóðnemasöng. Yngstu börnin í 1.-3. bekk njóta þess einnig að hverfa inn í ævintýraheim söngs, sagna og spuna.
Dansnámskeið ýmiskonar eru einnig að hefjast. Vegna mikilla vinsælda hefur tímum í afródansi verið fjölgað. Einnig er hægt að koma í byrjendatíma í línudansi en ef fólk kann einhver spor í línudansi þá er tilvalið að skella sér í framhaldshópinn.
Orkudans er alveg nýtt form á danstímum sem gefur skemmtilega útrás en þar er einnig leitast við að næra anda og sál. Fólk hefur verið mjög hrifið af áhrifum orkudansins.
Söngsmiðja fer nú í fyrsta sinn af stað fyrir þá sem vilja m.a. þjálfast í dægurlagaflutningi og hljóðnemasöng. Þetta er t.d. frábær undirbúningur fyrir þá sem vilja skella sér í Idol keppnina í sumar eða bara syngja sér til ánægju.
Námskeið í vinnukonugripi hefur verið mjög vinsælt og færri komust að en vildu fyrir jól. Skráning gengur einnig vel núna og er nýtt námskeið óðum að fyllast. Nú verður einnig hægt að læra að spila skemmtilega trumbutakta á afrótrommur.
Hægt er að lesa nánar um öll námskeiðin á heimasíðunni www.pulsinn.is og skrá sig þar eða í síma 848-5366.
Fyrsta fræðslukvöld Púlsins verður einnig að kvöldi 1.febrúar klukkan 20.00 en þá kemur Gaui litli í heimsókn, hann fjallar um megrun og kennir leiðir til léttara lífs. Allir eru hjartanlega velkomnir og er aðgangseyrir 1.000 krónur.
