Ókeypis kvöldskemmtun söngsveitarinnar Víkinga

Söngsveitin Víkingar heldur sína árlegu vortónleika í þessari viku. Í gærkvöldi sungu þeir í Útskálakirkju. Þeir verða í kvöld í Ytri-Njarðvíkurkirkju kl. 20:00 og á morgun, miðvikudag í Safnaðarheimilinu í Sandgerði. Yfirskrift tónleikanna er: Frá okkur til ykkar með sumarkveðju, enda er enginn aðgangseyrir innheimtur og allir velkomnir.

Efnisskráin er að venju létt og skemmtileg, góð blanda af  íslenskum og erlendum lögum frá ýmsum tímum. Stjórnandi er Steinar Guðmundsson.

Meðfylgjandi mynd var tekin á tónleikunum í Útskálakirkju í gærkvöldi. VF-mynd: Hilmar Bragi