Ókeypis jólatrésskemmtun í Garði

Kvenfélagið Gefn heldur sína árlegu jólatrésskemmtun þriðjudaginn 28. desember nk. frá klukkan 16-18 í Miðgarði Gerðaskóla í Garði.

Að venju verður boðið upp á fjöruga tónlist, söng og gleði og veitingar að hætti kvenfélagskvenna. Einnig er von á jólasveinum með glaðning í poka fyrir yngstu börnin. Aðgangur er ókeypis eins og undanfarin ár.

Þessi skemmtun er framlag kvenfélagsins til íbúa í Garði með þökk fyrir veittan stuðning á liðnum árum. Garðbúar nær og fjær og gestir þeirra velkomnir.

Myndin: Jólasveinar verða á ferðinni með gott í poka.