Nýtt tölvuver opnað fyrir tölvuleikjaunnendur

Nýlega opnaði IceLan tölvurver við Hafnargötu. Hugmyndin er að halda úti aðstöðu fyrir tölvuleikjaáhugamenn og þá sem vilja vafra um á netinu. Í verinu eru 16 tölvur, veitingasala og setustofa. Eigandi IceLan er Árni Hjörleifsson.

Tölvurnar eru allar tengdar hvor annarri og umheiminum í gegnum ADSL háhraðatengingu. Þangað geta leikjaunnendur, ferðamenn, námsmenn og allir þeir sem þurfa á einhverskonar tölvuaðstöðu fengið aðstöðu. Hægt er að fá afnot að tölvunum frá hálftíma og uppúr. Góðar undirtektir hafa verið síðan verið opnaði og hafa bæði leikjaunnendur sem og aðrir sem áhuga hafa á netinu sótt staðinn stíft. IceLan býður upp á þjónustu við hópa sem vilja koma og spila einn af þeim fjölmörgu leikjum sem í boði eru. Leikirnir eru flest allir svo kallaðir fyrstupersónu leikir sem hafa farið sigurför um heiminn og virðist sú för engan endi ætla að taka. Dæmi um leiki sem í boði eru Counter Strike, Half Life, Day Off Defeat, Soldier of Fortune 2 og fl. Árni Hjörleifsson vill benda þeim á sem vilja frekari upplýsingar að hafa samband í síma 421-4939 eða 892-9575.