Nýtt Reykjanes.is opnað formlega

Ferðamálasamtök Suðurnesja hafa opnað nýjan og endurbættan vef, www.reykjanes.is. Vefurinn er upplýsinga- og þjónustuvefur um ferðaþjónustu og afþreyingu á Suðurnesjum. Á vefnum er að finna upplýsingar um aðila í ferðaþjónustu og tíðindi af öllu því helsta sem er að gerast á Suðurnesjum í ferðaþjónustu, mannlífi og menningu.

Það er hugbúnaðarfyrirtækið Dacoda sem færði Reykjanes.is í nýjan búning fyrir Ferðamálasamtök Suðurnesja. Vefurinn hefur nú verið opnaður formlega en það var Árni Sigfússon sem opnaði vefinn að viðstöddum stjórnarmönnum í FSS, ásamt fulltrúum Dacoda og Víkurfrétta. Víkurfréttir munu sjá um að uppfæra fréttahluta síðunnar, en ætlunin er að birta fréttir af viðburðum á Suðurnesjum sem ferðafólk og heimamenn gætu haft áhuga á að kynnast nánar.

Að sálfsögðu er vefurinn ekki tæmandi en markmiðið að byggja áfram upp öflugan upplýsingamiðil fyrir ferðafólk og heimamenn.

Myndin er frá formlegri opnun síðunnar.