Nýtt námskeið: Að njóta foreldrahlutverksins

Fræðslunámskeið fyrir nýbakaða foreldra, þ.e. þá sem eru að eigast sitt fyrsta barn og eiga barn á aldrinum 0 – 12 mánaða er algjör nýjung hér á landi.Námskeiðið er hugsað sem viðbót við aðra þá fræðslu sem foreldrum býðst frá starfsfólki heilbrigðiskerfisins. Í skólakerfinu er ekki kennt um gildi foreldrahlutverksins og þrátt fyrir framangreinda fræðslu sem opinberir aðilar veita eru mörg dæmi þess að fólk með margvíslega menntun að baki situr inni með margar spurningar og óleyst verkefni sem valda kvíða og óöryggi. Slíkt veldur streitu sem hefur áhrif á líðan barnsins og á brjóstagjöf móður og eiga foreldrar einatt erfitt með að njóta sín í hinu nýja hlutverki.

Markmið námskeiðsins er að veita foreldrum fræðslu og leiðsögn svo þeir geti notið foreldrahlutverksins sem best, því aukin þekking skapar öryggi og styrkir sjálfstraustið. Fjallað verður m.a. um fjölskylduna og foreldrahlutverkið, um vöxt og þroska barnsins, næringu, svefn,o.fl. Auk þess er stuðlað að meiri ánægju og vellíðan foreldra ungra barna með umræðu um tengda þætti s.s. siðfræði og samskipti og áhersla lögð á samstillingu, slökun og hugarró.

Samstilltir foreldrar auka vellíðan fjölskyldunnar og njóta betur foreldrahlutverksins.

Leiðbeinendur á námskeiðinu eru Kristín Guðmundsdóttir og Hertha W. Jónsdóttir sem eru báðar barnahjúkrunarfræðingar með mikla reynslu og þekkingu á umönnun barna. Námskeiðið stendur í 2 _ klst. í tvö skipti og hefst næsta námskeið þann
18. apríl í safnaðarheimili Keflavíkurkirkju.
Upplýsingar og skráning er hjá Herthu, netfang [email protected] og hjá Kristínu netfang [email protected] alla daga.