Nýt þess að vera heima þessa helgi

Fanney Grétarsdóttir svarar verslunarmannahelgarspurningum VF

Fanney Grétarsdóttir

 

Hvert á að fara um verslunarmannahelgina í ár?

Nýt þess að vera heima þessa helgi og kannski verður farið í Reykjavík að leika túrista.

 

Með hverjum á að fara?

Fjölskyldunni, þeim sem við komum í bílinn, hin verða skilin eftir. Það verður dregið.

 

Lætur þú veðurspá ráða því hvert á að fara um verslunarmannahelgina?

Nei, hef ekki efni að fara til Spánar á hverju ári.

 

Hvert hefur þú farið um verslunarmannahelgi síðustu ár?

Edrúhátíð, ég finn alltaf tjaldið mitt þar.

 

Hvert hefur þú farið í ferðalög í sumar?

Fórum í Ölfusborgir og áttum æðislega viku í góðu veðri.

 

Hvernig ferðalög ertu að stunda? Ferðu í sumarbústað eða í ferðavagna?

Sumarbústað, vil hafa fast klósett undir mér, það er bara þannig.

 

Hefur þú verið heppin með veður á ferðalögum þínum í sumar?

Já, það er aldrei vont veður bara hugarfarið, spaug.