Nýr barnakór á aðventukvöldi í Keflavíkurkirkju
Þriðja og síðasta formlega aðventukvöldið í Keflavíkurkirkju var haldið í gær fyrir fullri kirkju.
Kór Keflavíkurkirkju söng hátíðleg jólalög undir stjórn Arnórs B. Vilbergssonar organista og börn í skapandi söngstarfi í Keflavíkurkirkju komu í fyrsta sinn fram undir stjórn Írisar Drafnar og Freydísar Kneifar.
Sönghópurinn Seríurnar sem skipaður er sópransöngkonum í kórnum tók lagið í upphafi kvöldstundarinnar en stundina leiddu sr. Erla Guðmundsdóttir og Eva Björk Valdimarsdóttir.
