Nýárstónleikar Gala 2023 með úkraínskum blæ

Nýárstónleikar Gala í Reykjanesbæ fagna fimm ára afmæli í ár en að þessu sinni verða tónleikarnir með úkraínskum blæ ásamt þekktum klassískum frægum söngperlum og dúettum eftir Franz Lehar, Guiseppe Verdi, Sigvalda Kaldalóns, Mykola Lisenko og Igor Shamo.

Þetta er hátíðardagskrá með fjölbreyttum lögum úr þekktum óperum, söngleikjum, dægurlögum og fleiru. Tónleikarnir verða í Ytri-Njarðvíkurkirkju sunnudaginn 1. janúar og hefjast kl. 20.

Flytjendur:

Alexandra Chernyshova - sópran

Rúnar Þór Guðmundsson - tenór

Helgi Hannesson - píanóleikari

Yana Prikhodko - sellóleikari, gestur frá Úkraínu

Stúlknakórinn Draumaraddir.

Miðasala er á tix.is en einnig við dyrnar.