Ný hljómsveitaaðstaða í Reykjanesbæ

Hljómsveitir í Reykjanesbæ hafa verið á nokkrum hrakhólum undanfarið þar sem hin annars ágæta hljómsveitaaðstaða í Steypunni annar ekki eftirspurn.

Ekki er þó þörf á að örvænta því 88-húsið, menningarmiðstöð ungs fólks í Reykjanesbæ hefur nú til skoðunar að taka á leigu húsnæði á Vallarheiði sem væri ætlað fyrir áhugasamar hljómsveitir. Um er að ræða fimm hljómsveitaherbergi og er leigan fyrir hvert þeirra 20.000 á mánuði.

Hafþór Barði Birgisson, forstöðumaður 88-hússins, hvetur þá sem hafa áhuga til að vera í sambandi svo þetta verkefni geti orðið að veruleika.

Áhugasamir geta haft samband við Hafþór í síma 898-1394 eða sent tölvupóst á netfangið [email protected]

 

VF-mynd/Þorgils - Frá vígslu Steypunnar í nóvember 2006. Geirmundur Kristinson, sparisjóðsstjóri, ásamt tveimur hljómsveitagaurum, en SpKef er styrktarðili Steypunnar.