Njarðvíkurskólanemi í starfskynningu á Víkurfréttum

Jón Aðalgeir Ólafsson 15 ára nemi í 10. bekk í Njarðvíkurskóla er í starfskynningu á Víkurfréttum í dag og á morgun. Jón er að ljúka 10. bekk og eru flestir nemendanna í starfskynningu hjá fyrirtækjum þessa dagana. Jón er áhugasamur um fjölmiðla og ef hann mætti velja einn til þess að taka í viðtal myndi sá vera einn af leikmönnum Liverpool.

Hvernig gekk þér í samræmdu prófunum?
Mér gekk frekar vel, þótt sum prófin voru erfiðari en önnur.

Af hverju valdirðu að fara á starfskynningu hjá Víkurfréttum?
Örugglega út af því ég hef áhuga á fjölmiðlun og mig langaði að sjá hvernig allt gengur fyrir sig.

Fylgistu með fjölmiðlum?
Já, ég fylgist oft með fréttum síðan les ég líka Fréttablaðið og að sjálfsögðu Víkurfréttir.

Ef þú mættir taka viðtal við hvern sem er, hver yrði það?
Ég veit ekki, það eru svo margir. En ef ég vel einn myndi ég örugglega velja einhvern af mínum uppáhalds leikmönnum í Liverpool.

Hvað ætlar þú að læra í framhaldsskóla?
Ég hef ekki ákveðið það ennþá.

Hvað gerir þú í frístundum?
Mér finnst gaman að ferðast, fara í bíó en samt er aðaláhugamálið fótbolti.

Myndin: Jón Aðalgeir á ritstjórn Víkurfrétta. VF-ljósmynd/Jóhannes Kr. Kristjánsson.