Nenni ekki að hanga í roki og rigningu

Garðar Gæi Viðarsson

 

Hvert á að fara um verslunarmannahelgina í ár?

Það er alveg óráðið. Stefnan er tekin á að fara í bíltúr þangað sem að sólin ætlar að láta sjá sig.

 

Með hverjum á að fara?

Ég ætla að fara með konunni og börnum.

 

Lætur þú veðurspá ráða því hvert á að fara um verslunarmannahelgina?

Já, klárlega. Ég nenni ekki að hanga í roki og rigningu.

 

Hvert hefur þú farið um verslunarmannahelgi síðustu ár?

Ég skrapp á Flúðir síðast en annars hef ég verið að vinna um verslunarmannahelgina.

 

Hvert hefur þú farið í ferðalög í sumar?

Í byrjun sumars fór ég í 10 daga til Búlgaríu. Annars hef ég farið í eina útilegu í sumar og til Vestmannaeyja.

 

Hvernig ferðalög ertu að stunda? Ferðu í sumarbústað eða í ferðavagna?

Ég fer mest erlendis eða í dagsferðir um Suðurlandið.

 

Hefur þú verið heppinn með veður á ferðalögum þínum í sumar?

Ég hef verið mjög heppinn með veður þessa daga daga sem ég hef farið enda hreyfi ég mig ekki nema að veðrið sé gott.