Nektarsprettur í smábátahöfninni

Þó vinsældir sjósunds hafi aukist mikið er ekki mikið um að fólk syndi nakið í sjónum. Tapað veðmál getur hins vegar haft þær afleiðingar að maður endi í sjónum án fata eins og ungur maður lenti í fyrir helgina. Eins og smá má á myndunum þá gekk kappinn í fylgd vinar síns sem var í nærbuxum einum fata, eftir grjótgarðinum í smábátahöfninni í Keflavík í sultublíðu og svo syntu þeir saman smá spöl að viðstöddu fjölmenni úr vinnustað sínum. Hvatningarorð komu úr hópi vinnufélaga og vina en enginn viðstaddur öfundaði sundkappana fáklæddu.