Naumur sigur Sandgerðinga í Útsvari

Sandgerði vann nauman sigur á Rangárþingi eystra í Útsvari á RÚV en liðin mættust sl. föstudagskvöld í Sjónvarpssal. Lokaniðurstaðan var að Sandgerði vann með 50 stigum gegn 49.

Fulltrúar  í liði Sandgerðisbæjar  í ár voru þau Bylgja Baldursdóttir, Sigursveinn Bjarni Jónsson og  Bergný Jóna Sævarsdóttir. Þau færðu liði Rangárþings eystra gjafir í lok keppni, sem voru púðaver frá Kolbrúnu Vídalín og húðsnyrtivörur frá Tara Mar.

Sveitarfélagið Garður keppti einnig á dögunum í Útsvari og varð að sætta sig við tap gegn liði Árneshrepps.