Naumt tap eftir bráðabana í Gettu betur

Borgarholtsskóli marði sigur á Fjölbrautaskóla Suðurnesja eftir dramatískan bráðabana með 20 stigum gegn 19, þegar liðin mættust í spurningakeppninni Gettu betur í gær. Sæti í 8-liða úrslitum og um leið tækifæri til að komast í sjónvarpssal, var í húfi og því var allt lagt í sölurnar.

Keppnin var jöfn og spennandi og réðust úrslitin á síðustu stundu. FS komst yfir í bráðabana en Borgarholtsskóli svaraði tveimur síðustu spurningunum rétt og tryggðu sér þar með sigur.