National Geographic heillað af Bláa lóninu

Mynd eftir ljósmyndarann Agnieszka Rayss, sem tekin er í Bláa lóninu á Jónsmessu, er ein af ferðamyndum ársins að mati hins virta tímarits National Geographic. Þar má sjá þjónustufólk uppáklætt í lóninu með þverslaufu og bjóða upp á hinn kunna Bláalónsdrykk.

National Geographic er greinilega heillað af Íslandi því auk myndarinnar úr Bláa lóninu þá komast tvær aðrar myndir frá Íslandi í úrval ferðamynda tímaritsins.