Nær uppselt á þorrablót í Garði
- pantanir verði sóttar á sunnudagskvöldið
Nú er að verða uppselt á þorrablótið í Garði þann 23. janúar nk. og aðeins fáeinir miðar eftir. Þeir sem hafa pantað miða eru beðnir um að sækja þá í félagsheimili Víðis á sunnudagskvöld kl. 20-22. Ósóttar pantanir verða settar í sölu á mánudag.
Á sunnudagskvöldið verður einnig forsala á dansleik að loknu þorrablótinu. Miðaverð á dansleikinn er 3000 krónur og aldurstakmarkið er 20 ár.
