Myndskeið: Þrír sönghópar sameinuðust á tónleikum

Hátíð í bæ, hinir árlegu aðventutónleikar Sönghóps Suðurnesja, voru haldnir í Stapanum í Hljómahöll í síðustu viku. Stjórnandi sönghóps Suðurnesja er Magnús Kjartansson.

Sérstakir gestir Sönghóps Suðurnesja voru Kvennakór Suðurnesja og Söngsveitin Víkingar.

Sönghópur Suðurnesja hóf tónleikana og flutti nokkur lög. Í kjölfarið komu svo Kvennakór Suðurnesja og Söngsveitin Víkingar á svið. Kórarnir sungu fyrst einir en sameinuðust svo í lokin í samsöng á  hátíðlegum nótum. Ljósmyndari VF
var á  tónleikunum og tók meðfylgjandi myndir.