Myndir eftir nemendur í Njarðvíkurskóla

Nemendur í Njarðvíkurskóla luku nýlega við leirlistaverk sem hafa verið hengd upp í sal skólans.
Það voru nemendur í vali í 9. og 10. bekk sem unnu leirverkin. Verkið hefur tekið langan tíma og kostað mikla vinnu. Byrjað var á verkinu rétt eftir áramót en ferlið við vinnu af þessu tagi tekur langan tíma. Fyrst er myndin teiknuð á pappír, síðan dregin upp á byggingaplast og að lokum er hver hluti fyrir sig unninn sér í leirinn. Njarðvíkurskóli fékk leirofn síðastliðið haust og er þetta í fyrsta skipti sem nemendurnir vinna með leir. Sóley Halla, myndmenntakennari sagði krakkana hafa verið mjög duglega og að þau hefðu verið mjög áhugasöm um leirvinnuna.