Mótorhjólaklúbbur safnar fyrir Ragnarssel
Fjáröflunarkvöld S.O.D. MC SUÐURNES verður haldið laugardaginn 4. desember í félagsheimili klúbbsins við Fitjabraut 28 í Njarðvík.
Óskar Óskarsson, talsmaður klúbbsins, segir að safnað verði fyrir Ragnarssel sem er dagvistun fyrir fötluð börn á Suðurnesjum.
„Húsið opnar kl 17:00 og verður boðið uppá kaffi og vöfflur. Einnig verður grillað á staðnum og er frjálst framlag fyrir grillið,“ sagði Óskar.
Miðaverð á fjáröflunarkvöldið er aðeins 2000 kr. og verða veglegir vinningar dregnir út á seld miðanúmer. Boðið verður uppá lifandi tónlist. Þá verður jólasveinn á staðnum og verður hann með góðgæti fyrir börnin.
