Mögnuð Tosca undir berum himni í Keflavík

Það var mögnuð upplifun að sjá óperuna Toscu eftir Giacomo Puccini flutta undir berum himni í ljósaskiptunum í Keflavík í kvöld. Óperan var frumflutt í Keflavíkurkirkju í kvöld. Fyrsti þáttur óperunnar var í sjálfri kirkjunni, annar hluti var fluttur í safnaðarheimilinu Kirkjulundi og þriðji og síðasti hlutinn undir berum himni í garði milli kirkjunnar og Kirkjulundar.

Húsfyllir var á sýningunni og var söngfólkinu fagnað mikið og lengi í lok sýningar. Meðfylgjandi myndir voru teknar í síðasta hluta óperunnar sem var fluttur utandyra í ljósaskiptunum.


VF-myndir: Hilmar Bragi Bárðarson með Nokia N8.