Mikil gleði á Sjóaranum síkáta í Grindavík

Kátt var á hjalla í Grindavík í dag þegar sjómanna- og fjölskylduhátíðin Sjóarinn síkáti var haldin hátíðleg. Ýmis konar dagskrá var í boði fyrir unga sem aldna og Grindvíkingar og gestir hópuðust saman víðs vegar um bæinn.

Skemmtisigling, leiktæki, tónlistaratriði og andlitsmálun var meðal þess sem boðið var upp á í dag og stemningin heldur áfram í Grindavík langt fram á kvöld. Meðfylgjandi myndir tók Sólborg Guðbrandsdóttir á hafnarsvæðinu í dag en fleiri myndir verða birtar í næsta tölublaði Víkurfrétta.